وزير قطاع الأعمال العام: طرح حصة إضافية من كيما عقب تحقيق طفرة في الأرباح

كتب - حمدي المصري

كشف هشام توفيق وزير قطاع الأعمال العام، عن أن وزارته تسعى إلى طرح حصة إضافية من شركة كيما.

وأضاف خلال مؤتمر افتتاح توسعات مصنع كيما في أسوان بحضور الرئيس عبد الفتاح السيسي، أن خطة زيادة الحصة المطروحة من كيما، ستأتي فور تحقيق طفرة في ربحية الشركة على خلفية التوسعات وعمليات التطوير الجارية.

وهنأ الرئيس عبدالفتاح السيسي الحكومة ووزارة قطاع الأعمال على افتتاح مصنع كيما بأسوان ومحلج القطن بالفيوم.

وقال السيسي، خلال افتتاح مصنع اليوريا ونترات الأمونيا بمنطقة كيما بمحافظة أسوان: “أنا مش هنسى في 2017 وأنا موجود في مؤتمر في أسوان، في شاب قالي مصنع كيما بيرمي مخلفات في النيل وهما عملوا حاجة علشان يداروا الريحة لما تكون موجود”.

وأضاف الرئيس: “الوزير هشام توفيق بيتكلم على إننا بعنا الأرض علشان نعمل المشروع وخدنا قروض، بعنا الأراضي علشان نجيب ده وناخد جزء من الفلوس ليه”.

وواصل: “بقول مش عايزين نرجع تاني للخراب والمصنع ده بعد شوية نلاقيه رجع تدهور تاني، التسعير والإدارة والحوكمة، علشان منرجعش تاني”.

وأوضح الرئيس، أن المصانع الجديدة يجب أن يتوافر لها عناصر النجاح بشكل كامل، قائلا: “أنا عاوز فرص نجاح للمصانع والشركات الجديدة منعا لتكرار اللى فات، متابعا: “أى مستثمر أو قطاع خاص لما بيعمل مصنع جديد مش بيكون عنده مشكلة في تحديث العمل داخل المصنع ده.. لأنه قاعد بيدير صح.. الإدارة الجديدة مفيش فيها خواطر.. مش هعين حد في المصنع ملوش لزمة.. علشان قريبى أو معرفتى أو كلام هذا القبيل”.